Կանոնների գրանցում 20.12.2013 Հայաստանի Հանրապետության կենտրոնական բանկի կողմից 2013 թ. դեկտեմբերի 20-ին գրանցվել են «Հայաստանի ավտոապահովագրողների բյուրո» ԻԱՄ կողմից հաստատված հետևյալ կանոնները և կանոններում կատարված փոփոխություններն ու լրացումները՝
1. «ԱՊՊԱ պայմանագրի ձևը, պայմանները» RL 1-001 կանոնների փոփոխություններ և լրացումներ,
2. «ԱՊՊԱ վկայագիրը կազմելու և լրացնելու հրահանգ» RL 1-002 կանոնների փոփոխություններ և լրացումներ,
3. «ԱՊՊԱ պայմանագրերի հաշվառման կարգ» RL 1-003 կանոնների փոփոխություն և լրացումներ,
4. «2014 թվականի համար ԱՊՊԱ ոլորտում հիմնական և բազային ապահովագրավճարների նվազագույն և առավելագույն սահմանաչափերի և ռիսկային գործակիցների թույլատրելի արժեքների չափը» RL 1-009 կանոններ,
5. «ԱՊՊԱ պայմանագրի կնքման գործընթացի նկատմամբ պահանջների» RL 1-010 կանոններում փոփոխություններ և լրացումներ,
6. «ԱՊՊԱ ոլորտում ապահովագրական պատահարի արդյունքում գույքին պատճառված վնասների գնահատման և փորձաքննության կարգի ու մեթոդաբանության, փորձագետների որակավորման կարգի, չափանիշների ու պայմանների և որակավորումից զրկման կարգի ու հիմքերի» RL 1-013 կանոնների փոփոխություն,
7. «ԱՊՊԱ ոլորտում ապահովագրական պատահարի պատճառների փորձաքննություն իրականացնող փորձագետների որակավորման, նրանց հետ կնքվող պայմանագրերի գրանցման և ԱՊՊԱ ոլորտում ապահովագրական պատահարի պատճառների փորձաքննության » RL 1-014 կանոնների փոփոխություն,
8. «ԱՊՊԱ ոլորտում ապահովագրական ընկերությունների կողմից ապահովագրական հատուցումների վճարման» RL 1-017 կանոնների փոփոխություններ,
9. «Հայաստանի ավտոապահովագրողների բյուրո» ԻԱՄ կողմից երաշխավորման ֆոնդի միջոցների հաշվին հատուցումների վճարման կանոններ» RL 1-018 կանոնների փոփոխություն,
10. «ԱՊՊԱ կտրոնների տրամադրման նկատմամբ պահանջների գործողության դադարեցում» RL 1-023 կանոններ,
11. «Հայաստանի ավտոապահովագրողների բյուրո» իրավաբանական անձանց միության կողմից իրականացվող վերահսկողության» RL 1-027 կանոնների փոփոխություններ,
12. «Համալիր ստուգման արդյունքներով ապահովագրական ընկերությունների
նկատմամբ պատասխանատվության միջոցների կիրառման մեթոդաբանության» RL 1-034 կանոնների փոփոխություններ,13. «ԱՊՊԱ ոլորտում ապահովագրավճարների հաշվարկման ժամանակ բոնուս-մալուս համակարգի կիրառման» RL 1-040 կանոններում փոփոխություններ և լրացումներ,
Վերոնշյալ կանոններում կատարված փոփոխություններն ու լրացումները պայմանավորված են 2014 թվականի հունվարի 1-ից ԱՊՊԱ համակարգում ԱՊՊԱ կտրոնների գործածության դադարեցմամբ, ԱՊՊԱ տեղեկատվական համակարգում և «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» ՀՀ օրենքում կատարված փոփոխություններով:
Բյուրոյի կողմից մշակվել է նաև նոր ՝ «ԱՊՊԱ ոլորտում ապահովագրական պատմության ստացման, վերանայման և բողոքարկման» RL 1-041 կանոնները, որով կարգավորվում են ԱՊՊԱ ոլորտում ապահովագրական պատմության ստացման, վերանայման, բողոքարկման կարգին և պայմաններին առնչվող հարաբերությունները:
Կանոններով հնարավորինս կարճ ժամկետներում շահարգրգիռ անձանց հնարավորություն է ընձեռվում ստանալ իրենց վերաբերյալ ապահովագրական պատմությունը, ապահովագրական պատմության վերանայման պահանջ ներկայացնել կամ բողոքարկել ապահովագրական պատմությունը հատուկ այդ նպատակով ստեղծվող հանձնաժողովին: RL 1-041, RL 1-013, RL 1-014 կանոններն ուժի մեջ են մտնում 2013 թվականի դեկտեմբերի 21-ին և տեղադրված են Բյուրոյի կայքի «Իրավական ակտեր» բաժնի «Բյուրոյի կանոններ» ենթաբաժնում:
RL 1-001, RL 1-002, RL 1-003, RL 1-009, RL 1-010, RL 1-017, RL 1-018, RL 1-027, RL 1-034, RL 1-040 կանոններում կատարված փոփոխությունները և լրացումներն ուժի մեջ են մտնելու 2014 թվականի հունվարի 1-ին: Փոփոխություններն ուժի մեջ մտնելուց հետո կանոնների ինկորպորացված տարբերակներըը կտեղադրվեն կայքի «Իրավական ակտեր» բաժնում:
