Հայաստանի Ավտոապահովագրողների Բյուրո
EngRusArm
Օգտակար հղումներ
Հեռ.՝ (+374 60) 580043
Հայտարարություններ

ԱՊՊԱ ոլորտում բացահայտվել է զեղծարարության (խարդախության) ևս մեկ դեպք 19.07.2019 Ստորև ներկայացնում ենք ԱՊՊԱ ոլորտում բացահայտված զեղծարարության ևս մեկ դեպքի վերաբերյալ հակիրճ տեղեկատվություն․ Քաղաքացի Ա. Մ.-ին մեղադրանք է առաջադրվել այն բանի համար, որ նա, 2018թ. հոկտեմբերի 6-ին՝ ժամը 14:00-ից 15:00-ի սահմաններում, իր կողմից վարած «Մերսեդես Բենց» մակնիշի ավտոմեքենայով Արմավիրի մարզի Արմավիր քաղաքում վթարի է ենթարկվել՝ բախվելով մեկ այլ ավտոմեքենայի: Ա. Մ.-ն, տվյալ պահին չունենալով իր կողմից վարած ավտոտրանսպորտային միջոցի վերաբերյալ ԱՊՊԱ պայմանագիր, խոշոր չափերի՝ մասնավորապես մյուս ավտոմեքենայի պատճառված 1.707.000 ՀՀ դրամ վնասի գումարը խարդախությամբ հափշտակելու դիտավորությամբ, վթարից անմիջապես հետո կնքել է իր վարած ավտոմեքենայի վերաբերյալ ԱՊՊԱ պայմանագիր: Դրանից հետո Ա. Մ.-ն զանգահարել է Նաիրի Ինշուրանս ապահովագրական ընկերություն և հայտնել վթարի մասին, ընդունել իր մեղավորությունը, իսկ 2018թ. հոկտեմբերի 15-ին պատահարում տուժող կողմ հանդիսացող Հ․ Ա․-ն հատուցման դիմում է ներկայացրել Ռեսո ապահովագրական ընկերություն՝ 1.707.000 ՀՀ դրամ ապահովագրական հատուցում ստանալու համար։ Նշված հանգամանքը պարզվել է Նաիրի Ինշուրանս ապահովագրական ընկերության անվտանգության աշխատակիցների կողմից և Ա․ Մ․-ն իր կամքից անկախ հանգամանքներում հանցագործությունն ավարտին չի հասցրել: Ա. Մ.-ին մեղադրանք է առաջադրվել խոշոր չափերով խարդախության փորձի համար, որում Ա․ Մ-ն իրեն լիովին մեղավոր է ճանաչել: Ա․Մ․-ն քրեական պատասխանատվությունից ազատվել է բացառապես համաներման ակտի կիրառման արդյունքում։ 

Հարգելի վարորդներ և ավտոսեփականատերեր, 
Հորդորում ենք զերծ մնալ ապահովագրական զեղծարարություններ իրականացնելուց։ Հավաստիացնում ենք, որ նման դեպքերը բացահայտելի են․ ԱՊՊԱ ոլորտում առկա են բոլոր անհրաժեշտ իրավական կարգավորումներն ու տեխնիկական հնարավորությունները ինչպես զեղծարարությունների բացահայտման, այնպես էլ զեղծարարների նկատմամբ համապատասխան հետևանքներ կիրառելու ուղղությամբ անհրաժեշտ գործողություններ ձեռնարկելու համար:
 Հայաստանի Ավտոապահովագրողների Բյուրո

Թարմացվել է՝ 19.07.2019 17:02:32